СҮЙІСПЕНШІЛІК ПЕН МЕЙІРІМГЕ

ҮЙРЕТЕТІН ПӘН

Қазіргі уақытта өзін-өзі тану пәнінің маңызы көп қырлы. «Өзін-өзі пәнінің сабақтары –

балалардың жүрегі мен жанын ашатын есік. Сүйіспеншілік, мейірім, жақсылық сабағы»

деп бекер айтылмаған. Осындай сабақтар оқушыларды сүйіспеншілікке, мейірімді сөздерге,

жақынына көмек көрсетуге, қоршаған әлемді сүюге баулиды.

Нахимов негізгі мектебінде 1-12 ақпан аралығында «Өзін-өзі тану: Сүйіспеншілік пен Шығармашылық

педагогикасы» атты онкүндік болып өтті. Мақсаты рухани-адамгершілік қасиеттері

дамыған жеке тұлға қалыптастыру.

«Өзін-өзі тану» онкүндішігінің ашылуы салтанатты жиыннан басталды. Жиын барысында өзін-өзі

пәнінің мұғалімдері Г.Х. Конурова мен Б.С. Кенжегулова онкүндіктің жоспарымен

таныстырды.

Мектеп кітапханашысы Р.Д. Сатанова «Мейірім төгетін ана» кітаптар көрмесін ұйымдастырып,

С.А. Назарбаеваның қызметі туралы оқушыларға біраз мәлімет берді.

«Көңіл-күй кемпірқосағы» суреттер  көрмесінде көптеген

қызықты жұмыстар ұсынылды. Бейнелеу өнері пәнінің мұғалімі Т.С. Андреева өткізген

бұл  көрмеде көзге түскен жұмыстар 3-4 сынып оқушыларының суреттері болды. Ең үздік жұмыстар

грамоталармен марапатталды.

Онкүндік негізінде өзін-өзі тану мұғалімі Г.Х. Конурова 2 сыныпта «Өзіңді мейіріммен өлше»

тақырыбында ашық сабақ өткізді. Өзін-өзі тану пәнінің мұғалімі Б.С.

Кенжегулованың 1-4 сыныптар арасында өткізген «Жақсылық жасай білейік!»  сыныптар 

тыс іс-шарасы өте қызықты және танымды болды.  Іс-шара барысында оқушылар көптеген атақты

адамдардың айтқан нақыл  сөздерімен танысып, танымдық  мультфильмдер қарады.

Өзін-өзі тану пәнінің мұғалімі Б.С. Кенжегулова 6-8 сыныптар арасында «Салауаттылық – өмір

салты» тақырыбында дөңгелек үстел өткізді, 6 сыныпта «Армысың, кең дүние?!» тақырыбында

ашық сабақ өткізді.

Өзін-өзі тану пәнінің онкүндігінің нәтижесінде оқушылар осы пәннің маңыздылығын түсініп,

өзін балалық шақтан бастан тани білсе үлкен өмірге аяқ басу жеңіл болатынын ұйғарды.

Бұл пән сүйіспеншілік пен мейірімге үйретеді.

Өзін-өзі тану пәнінің мұғалімі: Г.Х. Конурова